Politika e Privatësisë

Cimerat ("ne", "platforma") është një website për gjetjen e banesave dhe cimerëve në Prishtinë. Kjo politikë shpjegon çfarë të dhënash mbledhim, si i përdorim, dhe cilat janë të drejtat tuaja.

1. Të dhënat që mbledhim

• Të dhëna llogarie: kur kyçesh me Google, marrim emrin, email-in dhe fotografinë e profilit që ke në llogarinë tënde Google.
• Të dhëna profili: çdo informacion që plotëson vetë — bio, zona e preferuar, buxheti, preferencat si cimer, dhe detajet e shpalljeve për banesa (titull, çmim, përshkrim, fotografi).
• Mesazhet: mesazhet që dërgon përmes chat-it të brendshëm ruhen për t'u shfaqur te ti dhe te personi me të cilin bisedon.
• Numri i telefonit (opsional): nëse e shton në një shpallje, ai shfaqet publikisht te shpallja (edhe për vizitorë pa llogari) që të mund të të kontaktojnë me WhatsApp ose telefon.
• Preferenca jetese (opsionale): duhan, kafshë, rutina dhe preferenca për gjininë e cimerit ruhen në profilin tënd si cimer dhe përdoren për të llogaritur përputhjen me të tjerët.
• Raportime: kur raporton një shpallje ose profil, ruajmë raportin (arsyen, detajet opsionale dhe identitetin tënd si raportues) për ta shqyrtuar. Raportuesi nuk u shfaqet përdoruesve të tjerë.
• Të dhëna teknike: preferencat e gjuhës, temës (dritë/errët) dhe zonat që zgjedh kur kërkon cimer ruhen lokalisht në shfletuesin tënd (localStorage), jo në server.

2. Si i përdorim të dhënat

• Për të krijuar dhe shfaqur profilin tënd te përdorues të tjerë.
• Për të mundësuar komunikimin (chat) mes përdoruesve.
• Për të mundësuar kërkimin dhe filtrimin e banesave/cimerëve.
• Për të mbajtur platformën të sigurt dhe për të parandaluar abuzim.

Nuk i shesim dhe nuk i japim të dhënat e tua palëve të treta për qëllime reklamimi.

3. Ku ruhen të dhënat

Të dhënat ruhen te ofruesi ynë i infrastrukturës cloud (Supabase). Autentifikimi bëhet përmes Google. Marrim masa të arsyeshme sigurie (p.sh. rregulla aksesi për të dhëna sipas pronësisë) për t'i mbrojtur të dhënat nga qasje e paautorizuar.

4. Çfarë shohin përdoruesit e tjerë

Emri yt, fotografia (nëse ke publikuar), profili si cimer (nëse e publikon), dhe shpalljet e banesave janë të dukshme publikisht për përdorues të tjerë të platformës. Mesazhet e chat-it janë të dukshme vetëm për ty dhe personin me të cilin bisedon.

5. Të drejtat e tua

• Fshirja e përmbajtjes: mund t'i fshish vetë shpalljet e tua të banesave dhe profilin tënd si cimer në çdo kohë, nga faqja "Profili".
• Fshirja e llogarisë: mund ta fshish vetë llogarinë dhe të dhënat e lidhura me të nga faqja "Profili" (butoni "Fshi llogarinë"). Nëse hasësh probleme, na kontakto në Cimeratnetwork@protonmail.com.
• Qasja/korrigjimi: mund të kërkosh një kopje të të dhënave të tua ose korrigjim të tyre duke na kontaktuar.

6. Cookies dhe ruajtja lokale

Platforma përdor localStorage të shfletuesit vetëm për preferenca (gjuha, tema, banesat/cimerët e ruajtur) — jo për gjurmim ose reklamim.

7. Mosha minimale

Platforma është menduar për përdorues 18 vjeç e lart. Nëse mendon që një person nën moshën 18 vjeç ka krijuar llogari, na kontakto për ta hequr.

8. Moderimi, ruajtja dhe ankesat

Raportet ruhen derisa të shqyrtohen nga administratori. Nëse një shpallje ose profil raportohet nga të paktën 3 përdorues të ndryshëm, ai mund të fshihet automatikisht derisa të shqyrtohet. Të dhënat e një llogarie fshihen kur ajo fshihet. Nëse mendon se të drejtat e tua për të dhëna personale janë cenuar, mund t'i drejtohesh edhe Agjencisë për Informim dhe Privatësi të Kosovës.

9. Ndryshimet në këtë politikë

Kjo politikë mund të përditësohet herë pas here. Data e përditësimit të fundit shfaqet në krye të faqes.

10. Kontakt

Për çdo pyetje rreth kësaj politike ose të dhënave tua, na shkruaj në Cimeratnetwork@protonmail.com.